News

...

Հանրային դիվանագիտության դպրոցի ունկնդիրները հանդիպեցին բարոնուհի Քերոլայն Քոքսի հետ, 15.10.2016

Հանրային դիվանագիտության դպրոցի ունկնդիրներին բացառիկ հնարավորություն ընձեռվեց «Ակտիվ երիտասարդական կազմակերպության» (Active Youth Organization) կողմից կազմակերպված միջոցառման շրջանակներում հանդիպում ունենալ Բարոնուհի Քերոլայն Քոքսի հետ:

 Բարոնուհի Քերոլայն Քոքսը Մեծ Բրիտանիայի Լորդերի պալատի անդամ է և պալատի նախկին փոխխոսնակ, իրավապաշտպան, փիլիսոփայության և սոցիոլոգիայի դոկտոր, Երևանի պետական համալսարանի պատվավոր դոկտոր (1994), Թագավորական դաշնության բուժքույրերի միության նախագահ, Միջազգային քրիստոնեական համերաշխություն կազմակերպության ղեկավար մարմնի անդամ և Մեծ Բրիտանիայում նույնանուն կազմակերպության նախագահ։

Հանդիպման թեման էր` «Մեծ Բրիտանիա. Եվրոպական Միությունը լքած առաջին երկիր»: «Մեծ Բրիտանիայում մարդիկ քվեարկել են կողմ Եվրոպական միության կազմից դուրս գալուն, քանի որ ազատություն էին ուզում, ուզում էին վերադարձնել բրիտանական ազատությունը »,-նշեց նա:


Մասնակիցներն իրենց հետաքրքրող բոլոր հարցերն ուղղեցին լորդերի պալատի ներկայացուցչին: Այն հարցին, թե ինչու, բայց արդյոք Արժույթի միջազգային հիմնադրամը ինչպես է փորձել ճնշում գործադրել Մեծ Բրիտանիայի՝ ԵՄ կազմից դուրս գալուն (Անգլիական բանկը չի հանդիսանում Արժույթի միջազգային հիմնադրամի անդամ), բարոնուհին պատասխանեց. «Պարզապես եկել էին խնդրելու»:



Քերոլայն Քոքսը խոսեց նույն օրերին Հայաստանում ընթացող Եվրասիական համաժողովի մասին, տեխնոլոգիական զարգացման, տնտեսական ոլորտի կարևորության մասին: Տրվեցին հարցեր, թե ինչպիսին են բրիտանական շահերը Հայաստանում գործող ոսկու հանքերի շահագործման ոլորտում և արդյոք հակասություններ չկան ԱՄՆ-ի կողմից իրականացվող կառավարվող քաոսի տեսության հետ: 
Անդրադառնալով Լեռնային Ղարաբաղի հակամարտության կարգավորման գործընթացին, բարոնուհին նշեց, որ Լեռնային Ղարաբաղի ժողովուրդն ինքը պետք է որոշի իր ճակատագիրը: 
Բարոնուհի Քոքսի հետ հանդիպումն անցավ շատ ջերմ ու անմիջական մթնոլորտում:










Serund PYC Designed by Narek Badalyan | Copyright © 2014 All Rights Reserved

Theme images by richcano. Powered by Blogger.