News

...

«Փաստարկների արդյունավետ կիրառում» Դավիթ Բայրամյան 08.12.2016



«Փաստարկների արդյունավետ կիրառում» վարպետաց դասը Հանրային դիվանագիտության դպրոցի առաջին կուրսի չորրորդ խմբում վարեց ՀՀ Վերաքննիչ քաղաքացիական դատարանի իրավական փորձաքննությունների ծառայության ղեկավար Դավիթ Բայրամյանը։ Վարպետաց դասն անցկացվեց Ռուսաստանի գիտության և մշակույթի կենտրոնում դեկտեմբերի 8-ին:

 Փորձագետը փաստարկների ստեղծման համար նախ և առաջ անհրաժեշտ համարեց որոշ վավաերապայմանների առկայություն՝ նախ թեզի առաջադրում, ապա բացատրություն, ապացուցում և, ի վերջո, թեզի ամփոփում։ Միևնույն տրամաբանական շղթան, սակայն, կարող է ներկայացված լինել մեկ այլ տարբերակով՝ թեզի ներկայացում (հիմնական միտք, մտահաղացում), տվյալ մտքի բացահայտում և նաև ապացուցում (հիմնավորում և քննարկում):


 Շատ կարևոր է ապացուցման ընթացքում նաև հիշել, որ փաստարկները պետք է լինեն ճշմարիտ դատողություններ, ինքնուրույն ապացուցված` անկախ թեզից, ինչպես նաև բավարար և հիմնավոր թեզի համար:
Ըստ բանախոսի, ձաստարկները կազմված են երեք հիմնական տարրերից` հայտարարություն, որը փաստարկ ներկայացնող պնդումն է, որով նա ցանկանում է համոզել լսողներին, ապա աջակցում` հայտարարության լրացում և ամենավերջում` հիմնավորում, որը փաստարկի կառուցվածքում գաղափարների հավաքածուն է, որոնք լսարանն ընդունում է որպես ճշմարտություն, և որոնք հիմք են հանդիսանում հայտարարության ընդունման համար: Հանդիպման երկրորդ հատվածում Դավիթ Բայրամյանը ներկայացրեց փաստարկների կառուցման եղանակները` ըստ կառուցահատվածների, ըստ տեսակների, ինչպես նաև ըստ հասկացությունների և տիպերի:
Այս վարպետաց դասը մյուսներից առանձնացավ այն փաստով, որ անցկացվեցին թվով երկու «Մտքերի մենամարտեր», որոնք անցան շատ թեժ և հետաքրքիր մթնոլորտում:

Serund PYC Designed by Narek Badalyan | Copyright © 2014 All Rights Reserved

Theme images by richcano. Powered by Blogger.