News

...

Հայկ Նահապետյան «Մանիպուլյացիա և հակամանիպուլյացիա» 21.12.2016

«Մանիպուլյացիա և հակամանիպուլյացիա» թեմայով վարպետաց դասը ՌԳՄԿ-ին կից «Հանրային դիվանագիտության դպրոցի» առաջին կուրսի երկրորդ խմբում անցկացվեց դեկտեմբերի 21-ին Ռուսաստանի գիտության և մշակույթի կենտրոնում: Վարպետաց դասը վարում էր «Հանուն ինքնիշխանության վերականգնման» նախաձեռնության համակարգող, պահեստազորի գնդապետ Հայկ Նահապետյանը:

Մանիպուլյացիաները մեր առօրյա կյանքի մասն են կազմում իրենց ամենատարբեր ձևերով ու դրսևորումներով, ուստի պետք է հստակ իմանալ դրանցից պաշտպանվելու ձևերի ու մարտավարությունների մասին: Փորձագետը նախ խոսեց մանիպուլյացիաների էության ու ձևերի մասին, ապա ուշադրություն հրավիրեց միջազգային դաշտում իրականացվող մանիպուլյացիաներին: Հայկ Նահապետյանը նաև ներկայացրեց մանիպուլյացիաներից պատպանվելու ու արդյունավետ կերպով հակազդելու ձևերը:

Հանդիպման շրջանակներում անդրադարձ կատարվեց նաև հայկական ընտանիքին, ինքնության պահպանման խնդիրներին, ինչպես նաև հայկական մշակույթի պահպանման ու արդիականացման հարցերին: 
Հանդիպման վերջում փորձագետը պատասխանեց մասնակիցների հարցերին, որից հետո ծավալվեց հետաքրքիր քննարկում:


Serund PYC Designed by Narek Badalyan | Copyright © 2014 All Rights Reserved

Theme images by richcano. Powered by Blogger.